沒有說出來的愛：孤味

還好我們有Netflix，於是台灣很多精的電影還是可以看到。於是我也看了《孤味》，一部細膩地將一個平常家庭的故事道出的好電影，而最重要的是，電影找來的演員，特別是幾位女演員，都厲害非常，他們沒有在鬥戲，只是高手過招，你稍有差池就完全被比下去。

這是傳統華人社會的故事：大家選擇了沒說出來地為對方作出最好的選擇，而到頭來忍受不了，可能爆發衝突，也可以無法面對一走了之。咬緊牙關活下去，以為一切做得好好，卻原來還有很多東西沒放下，而身邊的人，同樣也有人生的課題要面對。

亮麗的頭炮：Chill Club推介榜年度推介20/21

香港人有幾耐未試過要趕番屋企睇電視？剛剛這個星期日，很多朋友都趕番屋企睇ViuTV，支持Chill Club推介榜年度推介20/21。我的一班同齡廢中朋友聚在Singal一邊看一邊討論，畢竟不是個個歌手都識，甚至大家對於Mirror邊個打邊個都有難度，邊看邊學習，高興到不得了；另一邊，我興奮地邊看邊cap圖在blog facebook直播，又又又跟愛音樂的朋友討論，忙到呢。

的確那一晚網絡世界被這個ViuTV第一個音樂頒獎禮洗版，而且基本上好評如潮。對於頒獎禮結果我沒有希望花時間討論，我清楚知道遊戲玩法是將過去那麼多期的Chill Club推介榜冠軍歌成為候選作品，榜單決定是ViuTV的幕後決定，然後除幕後獎項之外全都是公開投票決定。所以，結果大致上沒有讓人跌破眼鏡的，只要你一直有留意廣東歌樂壇，沒有偏聽，沒有口口聲聲「呢位乜水」。

條女真係...Serrini《I'm Fine, thx. 演唱會》

究竟條女有幾紅？都唔好講搶飛搶到痴線（我搶唔到既），周邊無啦啦有我都唔知佢有聽條女既朋友s突然話有興趣睇佢買到飛預埋我（？），等巴士見到側邊果位少女睇ig都係睇mami，然後今次演唱會，嘩，唔好講少，一位無大唱片公司經理人公司既indie歌手，開演唱會竟然有Bvlgari贊助四百萬鑽飾，只係麥花臣咋播！當然啦，近年佢越拍越多雜誌越拍越高檔，已經知道市場上大家對於佢既受歡迎程度，係不能忽視（係呀但佢都係鍾意上得三四點收視果個電視台又唔係年輕人偶像）。

買唔到飛，又無朋友有飛，而KKBOX又無邀請我去（我要努力少少寫音樂先得），多謝KKBOX同KKLive仲有Mami將最後一場安排online直播，當然第一時間課金買飛，星期日晚仲有朋友上黎一齊睇！雖然（應該係因為我屋企網絡問題）有兩三首歌突然有D窒，但無礙興奮讚嘆欣賞整個「I'm fine, thx」演唱會，亦肯肯定相信，若果在現場，應該興奮到模糊，叫到拆晒天，你諗下，我睇完到今日，都仲喪Loop佢既歌，真係好痴線。更加要不得不佩服條女，演唱會前繼續好多好多曝光率繼續去唱繼續主持，典解可以貢勁架喂？

《音樂永續2020》私心推介

其實當聽到《音樂永續》我係先潑冷水：喂，你要推動音樂又叫人翻唱？咁，IFPI計劃是咁的：申請者須從大會指定的「銷量曾獲得白金唱片或金唱片的專輯」内合計6231首歌曲中選擇歌曲進行重新編曲、製作及發行。申請者必須是於2019年12月31日或之前已於香港註冊的唱片公司，並於2009年1月1日至2019年12月31日期間曾在香港進行商業發行，或是指定歌曲中的原出品人。成功申請者每首歌曲的錄音預算上限定為港幣六萬八千元，最高補貼額是合符資格製作總費用的90%或港幣六萬一千二百元，以較低者為準，而其中至少80％必須用於僱用至少6名專業音樂製作人員，以錄製及發行有關歌曲。

去年咁環境呢個計劃都應該幫唔少音樂人有工開，共有113首作品推出。嗯，我真係大部份都聽過（聽唔聽得晒就另一回事），的確當中有驚嚇度極高作品又或者好似有人俾錢我入錄音室唱K。不過咁，又的確有好精彩既作品，亦有好多係我未認識既名字或單位。以下推介作品係我真金白銀買左既，睇下岩唔岩你地聽：