Tuesday, July 18, 2017

台北繼續食:這家與那家麻辣火鍋

那次到台北出差,一個星期打邊爐三次,除了第一餐是台灣朋友帶我去的,之後兩餐都是同事帶我去,而這三餐其實都是台灣較出名的連鎖單點火鍋店,你地或者奇怪,點解我去咁多次台北,當中有兩間我係第一次去呢?

首先介紹老四川,光顧當晚台灣依然喪落雨,本著兩個人食或者有機會有位的想法,叫當地朋友打去問問,結果六點半場又有播!

裝修精緻侍應服務水準高,火鍋湯底四款,根據侍應推介,選了養身白味鍋(雞骨豬骨湯)與麻辣鍋,前者的確好鮮味,後者又麻又香,是越食越辣果隻。
小菜唔駛另叫,無論果隻咸咸地既豆或者筍干都好唔錯。
呢個川味涼粉送既,好勁,唔講得笑既辣。後面果碗係醬料,呢度有兩款你揀,唔係出去自己溝,我另外要求豉油,唔駛錢,再要其他就逐樣同你計。
點左呢D,牛柏葉特別記得因為切得好幼,牛肉好,雜菇盤好好。
另點麻辣豬耳,呢個真係好唔錯,亦唔貴。臨尾仲送雪糕,每人一支甜筒,加埋飲品埋單二千台幣,不過限時限刻就唔係幾好,但整體係水準好唔錯。

然後隔三日,去食鼎王。非常有趣既係,四周好多香港人,聽到好多廣東話。

酸菜鍋與麻辣鍋,後者就不及老四川精彩喇。
不過咁播,食物呢,就鼎王出色,就算同樣係雪藏食物,水準都比老四川好。
酸梅湯係好!大!渣!而且好飲,重點係,好喇,食唔晒,打包,點打包呢?佢真係幫你包起兩大袋湯底,食物包好,剩低既酸梅湯整左一杯封口外帶俾我,咁既服務,香港未見過。

最後係上次都食過,鼎王同集團高級版,無老鍋。
一見湯底就明白,比一比鼎王果個,的確係高級左。
食物無論賣相與質素都更好,最後果盤,同鼎王係一樣既。食完呢,仲有店家鮮製水果沙冰俾你清清味蕾。雖然我地食晏,同樣可以為在地同事打包一袋二袋番屋企慢慢嘆。

最後總結,若果去台灣去呢幾間,不會有大驚喜,但亦唔會點出事啦。

1 comment:

  1. 個人感覺無老鍋最正係沙冰同無老菊花飲 xd

    ReplyDelete