Tuesday, June 20, 2017

台北繼續食:(不太貴)的日食

當還有朋友在研究要去上引水產的時候,我已經好幾年沒去。然後,在是次某個飯局,兩名同樣來出差的同事,傻傻的走去上引水產,然後到達才發現不收信用卡,兩人將身上的錢拿出來跟餐廳表示只可以吃到這個價格(當然還要留些錢乘小黃),表示那一刻才發現,沒錢是那麼的慘。

我就當然不會那麼沒預備,這次準備介紹兩家日本菜餐廳,價格在香港人來說是非常相宜,即是呢,你在香港用一倍價錢都未必吃到這個水準的日本菜。

首先介紹建國北路的櫻上水,是工作的朋友帶我去的,由於他們請客,他們點什麼,我也點什麼,應該是一個刺身套餐,幾百元台幣有交易:
沙律與茶碗蒸都很不錯,特別後者,滑滑又好味。
刺身是咁的,我就無可能講得出邊隻打邊隻架喇,總之唔係台式切得厚厚,新鮮高質。
呢碗三文魚子飯當然得啦!
仲有麵豉湯與及呢個其貌不揚既甜品:其實係豆沙加上豆花與鮮草,絕對好食。

好喇可能有人以為我呢篇無料到但當然唔會啦,另一間要介紹既,是咁的:飯糰先生早我兩星期到台北出差,當日日堅持不吃日本菜之時有一日竟然跟我講:喂有間壽司好得,我認證,絕對好食。日本生活既話好食,無理由唔去啦!於是某日午餐,就走去食喇,呢間叫德とく壽司,小店一間,坐位好少,係一對台灣夫婦主理。丈夫(即大廚)好有性格,非常專注炮製食物,並不會笑笑口同你吹水,不過當我話佢知係有一位日本工作朋友介紹我來光顧,佢都有笑一笑同多謝。
我都係點呢個九百八十壽司套餐,首先要注意:此店只收現金不收加一。於是我就一件一件睇住師傅炮製並介紹我知喇,睇下我仲記得幾多先:

沙律都介紹?要架!你睇,成條蟹腳,仲有松茸,烏賊,實在非常有誠意而好食架!
第一件出場:尖梭魚壽司,師傅輕炙過再抹上醬油,你乜都唔駛再點,放入口,嘩,不得了呀,魚油爆出黎架喂!
第二件:好鬼大件蝦加上海膽壽司,呢位師傅比較喜歡自行抹上醬油(當然唔係款款都咁啦),無野講,信飯糰的確無錯。
第三件,Meguro加上黑魚籽,刺身輕炙,你可以見到師傅用細細舊飯,一啪落口,呵呵呵!
厚岸生蠔壽司!下面真係有飯,上面一小片青柑一齊食,呵!海洋既感覺呀!
左口魚邊(比目魚啦即係),又係一放入口就溶,一邊寫,一邊回味,又肚餓喇!
呢個離晒大譜呀!你睇果件帶子幾咁厚入面再夾北海道海膽,我真係唔知講乜好喇!
紅魽魚壽司,師傅將魚切幾刀燒一燒抹上醬油,加上蔥花,配合得天衣無縫!

呢件奇奇怪怪我係睇住佢整一邊心諗:唔係咁癲下話!有飯,有蟹肉,有蟹膏,有海膽,佢叫我由海膽果邊食起,唔駛介紹,大家明白我當時好似家燕姐上身,直頭食完想係地下碌住叫「好好味呀!」
星鰻壽司,層層疊出場,又係犯晒規既玩法,我又一口啪晒,不知幾膠興!
最後得到鴨肝壽司,我好均真既,呢件,乾身左少少!
跟住師傅行開左,然後炮製呢碗湯:三粒鮮甜到癲既蛻,仲有好多蝦肉既蝦頭,個湯有幾甜,唔駛點介紹啦!
仲!有!甜!品!!!!!柚子果凍,自家製,極得!

所以,呢間,我下次都會再試,試下叫貴d既Set,睇下係咪都係咁驚喜!記住,想去呢,就麻煩酒店打個電話去訂,再提一次,只收現金,明無?

2 comments:

  1. 今晚終於去左德壽司。

    1500台幣一位,非常超值。特別係
    比目魚緣側
    帆立貝
    富山小蝦
    鵝肝
    呢四樣好好食!

    多謝Blog主 推薦!

    ReplyDelete