2017年6月3日星期六

多倫多食得多:希臘菜Santorini

除了食,到多倫多唯一目的就是探同學,而且不只是一個同學。某晚跟相信應該有十幾廿年無見面的小學同學食飯,實在很感動。聚會如此珍貴,吃什麼其實不重要,同學們選了一家希臘菜餐廳,是很不錯的。

不錯在於裝修不錯,侍應介紹食物選擇不錯,食物也很不錯。

由天光食到天黑,餐廳就是這間屋,簡單得來很有格調。
對於識少少地中海菜既我,知道紅腰豆與及鷹咀豆的確走唔甩,那個醬亦應該係鷹咀豆醬,麵包好好食,熱又香。
餐牌都用上希臘文再加英文解釋,所以我一定唔會知道Hotiatiki係Greek Salad。新鮮囉,羊奶芝士好正囉,我至愛既Olives當然合口胃囉!
青口,用上白酒蒜蓉牛油羊奶芝士洋蔥韭蔥去煮,上檯打個凸賣相咁既,不過味道確唔錯,但汁實在太多喇。
這個炸魷魚圈是侍應推介,喂真係得:新鮮彈牙炸漿夠薄,唔係一個是是但但既炸魷魚圈!
喇呢個烤羊架真係高分到不得了,大家或者都知地中海菜好多grilled food,羊架的確係medium rare,適度調味,加上檸檬汁與海鹽,就係咁好味喇!

呢個Seafood Pasta大家有眼見,大堆頭料又多,當中海鮮樣樣新鮮,醬汁收得剛剛好,好食呀!
我地三個人食兩個甜品:上面果個特別推介我真係唔記得名,但好似麵包布甸咁,難得唔會過甜,焦糖味香濃;後者叫Karidopita,其實係Walnut cake with syrup,同樣甜度剛好,非常可喜。

最後想介紹去洗手間沿途係咁既:
我唔知所寫既字點解,但用上好代表希臘既白同藍手寫呢個裝飾好有心。

此餐廳的確唔錯,亦有家庭聚餐朋友聚會,去多倫多的話可以留意一下。

沒有留言:

發佈留言