Saturday, May 27, 2017

多倫多食得多:Pho的三店

好的,關於多倫多的四天首遊,本人的確是x人出門招風雨:同學表示我一到就落,不停落;然後,那位在多倫多類似天文台工作的大學師弟話:「五月通常唔落雨囉,你真係巴閉。」

就算如此,同學照顧周到,頭兩天喪落雨到後來終於雨過天青也好,食,是非常重要的。由於我實在太愛越南河,同學們分別推介佢地認為最好食既。雖然呀下,澳洲依然好食D,不過多倫多亦有驚喜之處播。

首先介紹一落機第一餐:同學話,屋企附近呢間佢都有食,不過唔算最好:
其實見餐牌大包圍又泰菜又盛我都估唔會特別好架喇:
此火車頭只係香港普通質素,湯底味精重,料唔特別(咁牛肉呢度唔會差得去邊既)。
呢個粉卷先怪:入面好似包左D唔知用乜野香料醃過既肉絲,又乾身又唔好食囉!

唔好食既先忘記佢:下一間,有另一同學認證,得架!
係呀舌尖上的越南乜乜乜好老土,入面真係全部越南人就放心好多,餐牌無乜奇怪野,食落又點呢?
這個火車頭先係路丫嘛!湯清甜,牛肉真係生既,而且多(食到尾仲有好多牛肉),牛筋丸又靚,真係食得好開心架!
呢個雞翼其實即炸,非常香口又Juicy,不過佢有少少錯配:希望食客將雞翼點呢個咸檸檬汁加味,本身就無乜調味,可惜!建議店家真係將雞翼用個汁好好醃左先去炸就不得了喇!

第三間,兩個同學都未食過,食完大家都讚好:
星期日點幾到場都要等位,坐到滿滿,望落似樣:
這個是越南香腸,熱既,好食呀,啖啖肉。
呢個粉卷先係路嘛!入面大大隻蝦金不換粉絲,正宗好食份量足!
同學點呢個,我試過個湯,唔錯,但都係上一間得d。
我點呢個酸辣就一般喇。
這個一定要介紹:鮮椰汁沙冰,真係鮮椰汁,啖啖都咁好味啖啖透心涼!

之後再介紹乜好呢?茶餐廳中菜?

No comments:

Post a Comment