2017年5月13日星期六

新加坡2017:意大利粉

(新加坡是次出差最後一篇)不是吃過什麼都要介紹但總有些值得寫一寫,而本人又想到如何整合去介紹,應該會較為值得讀的吧。

真心覺得新加坡的食肆水準至少不會搵笨,至於是否好好食就另作別論,當然,這裡嘛,要喝酒的確特別貴,因為酒稅高——這是新加坡當主廚的叔叔告訴我的。這次吃了幾家意大利粉,當中有很很很貴的雞尾酒。

首先是酒店附近的Modesto's,都是看過介紹覺得應該沒有什麼的才光顧,那晚,吃了這些:
Carpaccio,牛肉質素可以起碼不是凍到硬,肉味可以但不算高質,總之整個就不會驚喜不會失望。
Minestrone,好飲!飲得出基本湯底唔錯,而且好多雜菜並煮得好夠。
這個Lasagne,肥就唔駛講,肉醬茄味好香而且好豐富,不過可惜焗得差少少火喉,唔係話麵唔煮,只係未到最好食果個質感。
呢杯Mojito是咁的:點的時候佢問我要Virgin定要酒,我餐牌都無睇就話要酒,好飲,但要廿蚊坡紙真係好很貴(雖然唔駛自己俾錢)。

然後到ION Orchard內的The Marmalade Pantry,是這邊工作的朋友帶我去,其實聚聚最重要,吃的也是其次。
呢杯係有個朵但我唔記得,總之好似係蜜瓜味既Smoothie,好飲架雖然肥丫嘛。
蝦汁帶子大蝦意大利麵,材料好火喉好汁收得剛剛好,無投訴但又不會一吃就嘩一聲咁囉。
圖上是朋友的早餐(我覺得幾搵笨),圖下就是Ceasar's Salad,好食,沙律汁剛好而且不會很膩。

最後介紹是到Botanic Garden內的一家叫Food for thought的餐廳,是本地朋友介紹的。去到發現除了室外的椅子室內的無乜人坐,原來室內冷氣壞。見當地人係咁叫熱係咁用餐牌當扇用,但我食完都無乜汗。

此餐廳的食物應該是非常討我歡心,簡單好食:

牛柳沙律,牛柳Juicy原味,沙律先係重點:紅酒醋加欖油,火箭菜開心果牛油果Cherry Tomatoes,配合得天衣無縫!


Carbonara,本人至愛,呢個,喇,有相睇啦,好Creamy,用既煙肉係靚既煙肉粒唔係煙肉片,流心蛋又掂,成件事實在無得頂架!

當然有太新穎既我係唔敢試,例如,呢個,實在想像唔到個味,而且賣相都咁囉仲要十六蚊坡紙。

好,之後就介紹美加之旅喇



沒有留言:

發佈留言