三十過後一個人住
2016年12月14日星期三
排隊?專門店?越北牛肉粉
某晚,準備跟老豆二人前,想帶佢去
請坐
新店(係呀開番喇英華台呀)。典知,去到先話包左場(呢方面請坐最好就早少少網上公佈啦)。於是,好好好愛吃越南牛河既老豆就提議不如去水街口新開越北啦。當然,我都好好好愛吃越南牛河,如果唔係,典會次次去澳洲都係咁食?
這間越北牛肉粉專門店,開左一排,仲話自己試業中,但唔知點解次次行過都有人係門口等或者排隊。早一日有住附近同事話,食過喇,一般,咁既然阿爸話想試,即管試試。
六點九到達,同樣有人排隊要等位。五分鐘後入座,要同人搭檯。選左呢個軟殼蟹二人套餐:
首先出現是牛河,我點生的,老豆點熟的。
首先我非常肯定兩碗無調亂因為侍應問左先放低。我與老豆先試試湯頭,失望,非常普通,毫不驚喜,而且肯定有落味精(因為食完之後我的舌頭反應告訴我),我與老豆不約而同表示:「電車路果間好食好多(Soo Viet,與老豆食過一次,的確湯底好唔錯,而且價錢抵玩)」老豆繼續表示:「果間又多芽菜,樣樣俾足你!」我一邊食一邊覺得唔掂:生牛肉河牛肉已全熟,而且毫無牛肉味!明顯只係一碗港式hae越南牛河,專乜春門店呀你!
這個炸軟殼蟹,油到飛起,咬落可以,但似食緊一堆重調味炸漿多少少,不過已經係果餐比較好食。
蒜蓉牛油雞翼,炸漿與雞翼分離,一咬入口,極微弱牛油香無蒜味。唯一要讚雞肉依然嫩滑,但整件事係不及格,同樣好油膩。
對面坐住三人家庭,點了茄腩啦,香茅豬扒飯與牛油雞翼。觀乎佢地食得津津有味又讚好食,我明白點解門口咁多人排隊喇。
唔駛預我喇,以後你地慢慢排。
沒有留言:
發佈留言
較新的文章
較舊的文章
首頁
訂閱:
發佈留言 (Atom)
神不神劇已不重要:《那年盛夏我們綻放如花》
或許因為頭十集我都忙著沒有時間看,然後用了一個周末看畢十集,再跟大家一樣晚晚從App收看足本版。第十四集,看畢那晚,睡不著;大結局,看畢情緒一直處於低壓區,第二天一直聽著幾首劇集有關的歌。 從來喜歡一部電影電視劇或者一首歌都是很個人的口味選擇,技術上的高低當然可以由專業人士點評,...
聽聽內心的聲音:鄧小巧《Inner Voice》
從來第一張唱片都容易帶來驚喜,第二張是更考功夫的。鄧小巧的《The Strength of Weakness》是很有心思有水準的,作為一位我蠻喜歡的本地新生代女聲,樂見他能夠繼續有新作品,而且還是新唱片。 這張《Inner Voice》,主題是溝通,同樣地五首歌都圍繞主題去寫...
淋漓盡致的楊千嬅《火鳥》
由當年那個少女到後來的烈女,我一直聽楊千嬅。對上一張令我聽得拍案叫絕的是金牌告別作 《Unlimited》 ,兜兜轉轉,在人生上踏入另一階段的她,果然為自己推出一張省靚招牌的廣東唱片《火鳥》。 以鳥作主題,歌詞皆從女性角度看愛情看自身,旋律並非有大驚喜,但最最重要的,是她這一次唱...
沒有留言:
發佈留言