Monday, December 26, 2016

食在上海:高檔日菜植藤

出差搵食,少不免會向同事取經。有同事介紹這家位於靜安香格里拉酒店對面的日本菜小店。植藤的門面很低調,旁邊就是香港人很熟悉的豚王。一踏進餐廳,一片竹林的裝置,肯定這家餐廳的價錢並不簡單。

被帶到吧檯一人吃晚餐,還是在餐廳靠窗的位置,賺到吧!不過由於那邊放了一盤植物,我繼第一餐在老吉士有小飛飛騷擾我之後,這晚,又有,頂。




晚市沒有套餐,所以逐樣點逐樣點,而且用iPad點菜,結果埋單要五舊人仔,咁我食左乜?
芥末鱆魚乃小弟一向至愛食物,呢一小碟,要三十八蚊人仔,不過的確要讚,調味出色,而且鱆魚彈牙,食材新鮮是吃得到的。
紀州柚子梅酒,五十五蚊人仔,很濃的梅酒,醇厚清甜。
鐵火卷,四十五蚊人仔。紫菜已經軟淋是有點失望的,賣相也一般。
呢幾件壽司非常值錢:鯛魚壽司,三十八蚊人仔,的確是新鮮而且握壽司師傅的確有水準;活北寄具壽司,四十五蚊人仔,呢個實在出色,來料新鮮,而且充滿光澤;鮮帶子壽司,三十八蚊人仔,鮮甜!最後當然是蔥吞拿魚軍艦,四十五蚊一件。
全晚最失色:牛肉不嫩滑,醬汁偏甜,所以,咁就無左一舊水人仔。
呢個係好食既!安鱇魚肝日式莞菁煮,點講呢,總之由蘿蔔筍到魚肝都好入味,應該係用味淋煮,的確好唔錯!五十八蚊人仔。
鱈蟹蒸蛋,呢個要推介既!好滑,而且蟹味清甜,一間高級日式餐廳俾佢收五十八蚊人仔係合理既。(係,我認,我由食到今日再寫都諗,個蟹殼會唔會再用呢)
甜品係送既,喂大佬成餐飯一條友食左五舊人仔送個甜品都好合理丫可。

結論,此店應該係午餐,因為同事後來話,午餐抵食好多好多。不過以質素黎講,合理囉。但之後幾日我同另一同事食左另一餐日本菜,果餐真係抵到無野好講架播。

No comments:

Post a Comment