Thursday, October 6, 2016

婚前派對的對話

近來都是一兩個星期會容許自己吃一次壽司午餐,當做讓自己吃得好一點,獎賞自己努力工作,而地點通常都是中環的板長——無他,因為是會員,有折,而且質素比元氣好。

又一個平日的中午。一個人進餐都被安排在壽司吧,這天也不例外。連結平板點了菜,侍應放下沙律。正當我在吃的時候,我留意右手邊坐了一男一女,應該是情侶,而男的正在向女訴說工作上的苦事。女方當然有回應,然後,男的話題一轉,才是戲肉所在。



「阿A佢地話要攪Bachelor's night,仲話我一定唔可以推佢地!我已經特登叫左阿B同佢地攪,叫佢有乜就通風報訊,若果佢地有D Crazy idea就話我知等我可以拒絕。」

Bachelor's night,婚前派對,是為新郎慶祝自由的最後一夜,兄弟們聚首一堂玩番晚,某程度上是哀悼一個人走進戀愛的墳墓。此東西亦是比較西方才流行的,仲唔知係乜?你無睇過Hangover咩?

是的,聽得出這對準新人的對話是中英夾雜,女的英文聽來,可能是外國長大,又或者讀過番書。

女的繼續聽,男的繼續發表:「你知啦,阿B份人最穩陣,唔會亂黎,所以我先叫佢去參與,班友真係癲架嘛。」

女的終於出聲:「你咪去囉,OK呀。」對不起因為女的正坐我右邊,我只可以聽聲,無法觀察兩個人的面部表情。

「你唔想我去呀?」

「唔係呀,去囉!」聲線是希望表達爽快,明白事理,無所謂的。

女的之前點的甜點送到,女正在吃的時候,男的說:「佢地好似安排左去有女跳Pole Dance。」

呵呵呵,囉左Permit,以退為進,仲出一張可靠老實朋友牌,然後先劇透。

我聽不清楚女的回應是什麼,大約是用鎮靜的口吻去問Pole乜春Dance。男的繼續介紹:「上次我地去台灣XX果個Party果隻,有女係上面跳舞我地係下面飲野呢。」

話題大約到此為止,女的沒有收回Permit。由於準新郎整段對話的舖排實在很有「心思」,他們埋單時我忍不住望望他的樣貌:不算俊俏,乖仔樣的。

乖仔樣,講以上對白,事半功倍的。乖仔樣,紀錄良好,不代表真正紀錄良好的。

不過既然對方提出要參加,作為準新娘的又可以怎樣呢?你估真係台上有台上跳台下有台下飲咩,係囉,咁諗或者會好過少少,不如叫班姊妹安排個仲勁既聚會啦,反正Permit都唔駛囉下話。

以後未來是個迷。

No comments:

Post a Comment