2016年10月18日星期二

首爾寵寵寵:這家與那家燒韓牛

或者有跟開我Blog Facebook都知,今次寵寵寵之旅,我食得最多肯定係牛,牛牛牛牛牛。作為一個牛魔王,雖然不會像老饕一樣知道邊種牛正邊種牛點點點,但我好清楚一件事:韓牛,矜貴,睇韓劇都知,要食牛,貴好多架嘛。

所以,就算第一晚工作過後已經開始咳,我在明洞換過錢,根據同事教導到了Music Korea買了請回答1988的原聲帶之後,漫無目的找餐廳吃晚飯。本來真的打算乖乖吃粥,但又發現有一家韓燒好似幾吸引,於是,上左去。


此店叫王妃家,一上到去已經有人同我講國語我都明白,主打遊客生意嘛。不過唔緊要,若果你好食,又如何。

雖剛我一個人都是一個爐,而侍應除了端上以下的小菜之外也極快手放上已經燒紅了的炭。



小菜好唔好食?其實每餐韓食都有,每間餐廳都有少少變化,呢間係可以既,特別喜愛佢既泡菜。

之後侍應已經自動波為我服務——原因係佢希望我快快食完可以接多檯生意。由於出公數當然食到最好所以點左牛肩肉。餐牌張相以為好多塊,點知黎到就得咁多:

侍應係幫我烤既,好唔好食?可以既,特別你只加少許鹽係幾好食,不過呢一塊值唔值兩舊幾港紙,我有保留。反而另外叫既韓牛他他,好得,無得輸。
調味適度,牛肉鬆化鮮甜,撈完邊食邊叫好,覺得黎到首爾最最重要當然係食生牛肉啦哈哈哈。

第二晚,公司高層請食飯,去左一間叫辛氏火爐。我地並唔係去明洞店,至於邊一間,放過我啦我真係唔識搵個地址。不過,辛氏好食過王妃家好多好多好多。

眼前呢碗生蔥呢下面其實有醋汁,就咁食我又得又覺得幾好味!咁重點當然係烤啦,同樣阿豬媽會放上炭爐,佢唔會幫你,不過同事幫我烤。
每一盤就係呢個陣容,唔識分邊隻牛打邊隻,總之,一放入口,無論我包紫蘇葉加泡菜定加蒜片,一啖隊入口果種滿足,油脂爆發果種興奮,真係唔知點算架!

樓上兩款又係乜?白色果碗係蒸蛋,順帶一提,韓國人食野係無公筷公匙呢個概念,而且佢地食野,特別係午餐,快得好離譜!唔係唔傾計架播,係一邊傾一邊快食。問過同事,佢話大家慣晒,我諗佢地好多人都有胃病。後面果碗大醬湯好好飲,我覺得飲得唔夠囉。

介紹過烤牛,之後再介紹食過乜。

沒有留言:

發佈留言