Monday, October 24, 2016

首爾寵寵寵:同事午膳(上)

此次一共與同事共進了四頓午餐,而他們的確對我好好,每一餐都帶我去吃他們認為好吃的,又或者,我曾經提過的好東西。所以,雖然每次出差工作都很忙頗辛苦,但若果同事覺得到訪有幫助,而他們又會帶我食得好,一切都值得的。

首先介紹兩餐都在公司附近,當然有牛,而這一餐牛,跟我之前介紹過的又不一樣。


餐廳名字叫뚝심한우 시청점,好努力嘗試翻譯其網站得知此店主打韓牛,還有Dry Aging韓牛。點菜責任當然在同事身上,然後不久面前就出面此場面:


嘻嘻呢度有韓式煎餅做前菜非常喜愛。究竟食乜呢?


原來係呢個韓牛麵火鍋!湯係微辣泡菜湯,煮過之後因為牛肉靚,湯底係好鮮甜。麵呢就食得出唔係機製,所以好咬口。
以為就咁完場?梗係唔係啦!

侍應姨姨再次出場,將米飯與及不同穀物放入湯底煮食泡飯,望落唔好睇,但好好食,而且好暖胃!

另一餐,無理由唔食人蔘雞架嘛,於是黎左呢間叫新羅蔘雞湯예 신라삼계탕 본점,一入去,睇落好有歷史,而最搶眼係見到蔡瀾大大張剪報介紹。


坐低之後一人一杯乜野呢?人蔘酒呀喂!堅料黎架!

一人一窩,非常足料,雞肉嫩滑入味,通常佢地會點鹽調味;內裡釀入糯米啦紅棗啦等等,個湯係煮到充滿膠質,而且鮮味無窮,基本上係食唔晒,而食完個人勁暖,好好味呀!

不過咁,果日呢,食完呢,之前積落既支氣管炎就黎料喪咳喇,然後先要去睇醫生之嘛。另篇再介紹其餘兩餐。

No comments:

Post a Comment