Wednesday, September 28, 2016

Sydney開飯:Jamie's Italian Restaurant

弟婦表示如非必要我還是別常來探他們,因為每次我來,他們總會帶我吃吃吃,然後,他們就會胖起來了哈哈哈。他們安排某晚到Jamie's Italian Restaurant,意大利菜,我當然得啦!

我知道誰是Jamie Olivers,我知道他崇尚原汁原味著重食材,我知道他在不同地方為青年人提供工作的機會,我知道他的菜式不走花巧路線。這一晚,我們吃得很快樂,真的很快樂。



餐廳不走華麗路線,侍應們很友善(但人不夠多就是),所以要點菜的確要花點時間。
 
先介紹小王子的兒童餐:這個是Happy Chicken Lollipops,好健康既雞柳,伴以一瓶蔬果,小王子鍾唔鍾意?反應唔錯。
小食一號:炸魷魚圈,不油膩,而最最重要係旁邊呢碟檸蒜蛋黃醬,好好味呀喂。
小食二號:其貌不揚又係乜?呢個叫Mushroom Fritti,將Portobello Mushroom切條沾上麵包糠去炸,又係果句好有菇味,算係健康小食。
小食三號:絕對邪惡,名叫Pate Bruschetta,雞肝醬,Parmesan Cheese,煙肉放上多士,三個大人每人分享一部份已經嘩嘩大叫喇。
 

薄餅一號:Margherita!最簡單,最好食,薄一薄面頭原味蕃茄醬加上芝士已經不得了,仲有烘出黎既麵包香,讚不絕口呀!
 
薄餅二號:Gennaro's Italian Sausage,有茴香香腸洋蔥黑欖與及rosemary,都好味,不過都係第一個好食D。
意粉一號:Our Famous Prawn Linguine,小蕃茄極鮮甜,蝦就新鮮彈牙,意粉剛剛好,真係果然Famous。
意粉二號:Tagliatella Bolognese肉醬意粉,豬肉牛肉慢煮而成,無蕃茄唔係好慣,但味道唔錯既。
 
無呀想話你地知佢地既Mojito真係好得咁囉雖然唔平成舊水港紙一杯。
 
甜品就咁既:後面既雪糕就可以揀三隻味然後加兩個Toppings,咁好名顯有朱古力係底上面呢兩個好似有個係曲奇仲有一個唔記得,反正我目擊有一對父子爭雪糕食既場面;而我既Sorbets,芒果青檸與桑莓,真係透心涼鮮果味爆發架!

總結,第一次食佢既野,感覺良好,因為原味而好食又好似幾健康咁,而且佢為健康飲食做好多野,係絕對值得我地支持!

No comments:

Post a Comment