Tuesday, September 13, 2016

少不更事又如何

出爐港姐冠軍當選後被爆在佔中期間於其私人面書爆粗,然後她回應是這樣的:「那些言論的確由我本人寫,我不會否認。其實已經是很久以前的事,是我少不更事的時候,當時剛讀大學,整個大學氣氛好狂熱,所以針對時事會有比較強烈的情緒,但我平時絕對不會講這麼激烈的言論,與朋友之間生活也很少會講,女孩子比較斯文,所以我只是在私人Facebook與最親近的朋友抒發個人感受。」「其實平時我真的不會講粗口,但當時受到氣氛帶動,因為好緊張、好關心香港發生的事,始終我在香港土生土長,好多事都息息相關,只有這方面的議題才會令我有這麼激烈的言論。」

有人對於她的回應表示失望,當然,又有人說她爆粗不配做港姐,這兩種言論,我也想回應,因為實在好很好笑。由於要配合呢件事,下文有大量粗口,睇到會嘔既,唔好睇落去。

首先,老老實實,現在有幾多香港人覺得一個電視台選出來的香港小姐代表香港?唔係無,不過出黎嘈之巴閉果班,都唔知幾多個有睇港姐,又或者,一聽到香港小姐就「屌咁撚醜樣睇乜撚野呀」Come on James!又要屌又要插,個咁無公信力既電視台選條女出黎關你撚事咩?

大家都非常之咁明白,港姐乃係一場騷,美其名選藝員選主持選廣告代言人(果晚真係咁選)實質可能都選緊其他野。冠軍,你最多可以對佢評頭品足靚唔靚,咁靚唔靚又好撚主觀下話,無討論價值。

一個土生土長香港讀書大既女仔,經歷佔中,佢唔係迷Oppa討厭政治而係留心社會大事,呢一樣已經要讚!再者,有良知會嬲會鬧,試問當時見到類似仆街咸濕阿伯擺明抽女仔水而無事你有冇爆過粗?你無爆你都嬲撚到乜啦下話?唔好唔認呀!再者,689呀treegun呀孽瘤之類既政治撚人,你有冇鬧過?我呀,有份交稅呀,鬧得仲狠呀屌!

未選之前年紀輕輕關心社會有情感有正義之心有情緒人之常情,錯?有乜撚野錯?至於果班培乜九青社,算九數啦。

好,點解有人覺得佢講「少不更事」好失望?佢係話呢個表達方式少不更事,佢無否認佢講過,佢亦表示係因為著緊香港關心香港對於此議題才會如此激動,喂,若果佢話「我少不更事之前覺得咁樣要鬧依家覺得唔駛鬧」你就可以失望喇。

仲有呀咁多位道德判官正義撚,你知唔知佢同無線簽左份約架?你點知入面有乜條款唔聽話會唔會俾人告呀?係,你可以話佢選港姐搏出名戇撚尻,又不如我地睇睇岩岩卸任既麥明詩。

麥明詩當選以來非常聰明地用擦邊球方式表達自己對社運對社會不公表示支持,證明自己真係有腦有知識有良知,運用知名度傳達正確訊息,你又可唔可以話佢當選無用呢?另外今日佢
回應馮盈盈此事,我只能夠講佢真係勁,係好很勁!佢解釋乜野叫「少不更事」,解釋人大左明白唔係乜野都要屌,中國文化博大精深大把用詞比粗口更難聽。唔好淨係睇文字報導,睇埋片佢當時回樣回答記者,簡直拍爛手掌!

即咁,在此向馮盈盈講幾句:依家做左港姐,最最緊要做番自己,呢個年代唔會有人對於無立場無知識無腦既藝人喜愛,面前有個非常好既學習對象麥明詩,我相信你都係聰明女,加油呀!你睇幾多人出黎撐你就知啦!

No comments:

Post a Comment