Friday, August 19, 2016

三個麻甩遊台北:蘇杭點心店+我!就厲害

同學竟然希望去鼎泰豐因為,十幾年前我地第一次去台北就係食鼎泰豐老店,仲因為岩岩周星馳等人入左去我地只可以買外賣踎街食。回憶總是美好的但我地要向前看,所以,我帶佢地去蘇杭點心店。

好幾年前由台灣朋友介紹食過,當時無咁多遊客知道,今次再去,裝修過靚左而且好似有另一分店,遊客多左,食物味道,可以既,偏清淡。


似乎同學興奮程度比我大:當佢地見到果堆小菜,二話不說,有人已經極速囉左三碟:
海帶,豆乾,至勁都係右邊呢碟:豆板醬加魚乾仔既雞蛋。
此店必點:排骨蛋炒飯,蛋炒飯保持水準,排骨今次乾身左少少,最重要一定要撈埋酸豆食。

分別點左小籠包同蟹粉小籠包,前者仲有同學話鼎泰豐好食少少,但食埋後者呢,無野講啦哈哈:
膽固醇?乜黎架。
此店酸辣湯係我喜歡既,因為味道唔係好搶但依然有酸辣感覺。
油豆腐粉絲湯,同學至愛,家既味道。
呢個炸醬麵都係同學喜愛既,偏清淡但麵身真係好好食。
以為佢地已經飽到傻啦點知出門口竟然有人買左個蟹殼黃仲係咁話好好食。

晚餐另一篇再寫,最後一日既午餐,盡責既導遊早就訂左烤肉吃到飽,典知,有隊友臨場放棄話食唔落!咁就唯有兩個人去啦!為左方便大家食完閃,做左少少Research就訂左西門町既我!就厲害。
由於當日玩法係揀550都可以免費點一次750既野,當然550啦!失策既事情發生喇:店員妹妹問我地雞牛羊有冇邊樣唔食,我地話無,佢話:咁我幫你地落一SET招牌啦。



其實食物質素好唔錯,炭烤播,所以好好風味,而且換網速度快。

前者咁鬼大隻蝦與及帶子,後者澳洲和牛,真係好唔錯!

食到咁上下,店員妹妹會幫我地燒蝦拆蝦殼仲繼續幫,我地兩個比較無用,話「自己來好喇」,食唔切呀妹妹。
 
若果多人食就有機會坐到窗邊位,落晒西門町架!

呢餐百五港紙一位任飲任食真係好抵,下次再挑機,今次實在比較飽,所以真係食得唔多。建議大家訂位啦都係。 

No comments:

Post a Comment