Friday, July 8, 2016

我在吉隆坡開飯(四)

又有一晚,與舊同事聚聚。好久不見,而佢已經在馬來西亞工作好幾年,至於吃什麼,當然由他決定,我只係同佢講:總之Budget就係咁,食唔爆既就我請啦。

於是,佢載左我去Bandar Utama的First Avenue頂樓,一家叫做椰子,係主打貴價火鍋,而呢度既火鍋好似叫Steamboat,咁有型既個名。咁,此店主打椰子湯底,而呢一次,應該係我近十年食過最最最最最健康而唔辣既火鍋。


首先話明係頂樓,裝修與風景絕對係賣點。睇下:
好有趣,此店侍應係一對一mark住你張檯,而且好服務到不得了(之後再提),店內大部份都係華人,而侍應應該全部都唔係華人。
呢個係未天黑既景。
我地揀左呢個湯底再加半隻雞,湯底偏淡,好鬼健康。
除左自助調味料,呢一碟青柑真係好愛。
小食點左兩個:椒鹽秀珍菇,避風塘風味。另一道辣子蝦,連殼都食得。
不如睇下湯底啦:
係呀侍應會幫你攪架喇。湯底呢,好重椰子香,仲有馬蹄,試過個湯若果未加任何肉類,係甜既。
食材,可以啦,肉類方面可以,整體都新鮮既,無花巧咁囉,不過真係唔平。
當唔知點解個侍應又埋黎問駛唔駛幫你放埋落去,咁好啦你咁鍾意放,我再問同事:呢邊打邊爐係咁架?鍾意一次過放晒D野落去?同事話:係。

哦。兩個男人食完,其實一般飽,但鑑於呢個咁清甜既湯底,實在又唔令我食得過癮,所以,算啦。

最後送上呢個夜景,餐飯計埋架。

No comments:

Post a Comment