Sunday, May 29, 2016

高檔素餐廳:LN Fortune Coffee

西營盤在變天都不是一朝一夕的事,我家附近的第二街某段,在芸芸舊樓當中出現一支牙簽樓,而樓下的店舖,某天發現準備開咖啡室。心想:也對的,樓上住的都是外國人,又或者,Expats,這些應該是他們想要的,正如對面也開了一家賣墨西哥東東的連鎖店。

直至這家名叫LN Fortune Coffee開始試業,媽媽告訴我已經吃過,咖啡好喝食物不錯但都幾貴。而後來我前後光顧過兩次,在他們仍是試業的階段。



是的,其實我見他們竟然無考慮在店外望進去,女士穿裙子會很危險的,幸好一個星期後已經貼上磨砂貼紙。


店內都以原木傢俱為主調,的確很舒服的,而且好像進去之後,望出街外若果不是舊樓,會以為自己在台灣。
這是猴頭菇素片沙律,新鮮,沙律汁清爽。

當日的午餐是這樣的:忌廉栗米湯,配雜菜蕃茄湯烏冬,HK$58,原味無添加。
另一款是蕃茄素片炒意粉,乾爽不油膩味道剛好,不過份量不大。
黑椒汁素魚柳意粉,好味,樣樣都四正,但就係太細份。
第二次飲,遇上南瓜湯,這個極極極得,Creamy充滿南瓜香甜。
這是價值不菲但值得一吃的豆腐沙律三文治,豆腐加上沙律醬配上蕃茄及生菜,三十八蚊一份!
香蕉船,好似要四五十蚊,但真係好食,雪糕都係自家製。
我係飲過一杯咖啡,阿媽無介紹錯,靚野,三十二蚊杯,好過去是他筆多多聲。

好喇,上次去食已經係三月既事,近來行過,見到好旺場,而同時價錢好似都貴左。不過若果過開西營盤,此店會係非常不錯傾計飲咖啡既地方。

No comments:

Post a Comment