2016年4月25日星期一

2016星洲出差:住得好

這次一星期住了兩家酒店,當然是因為工作安排所需。其實出差與旅行對於酒店的安排可以非常不同,去旅行我的酒店真的很是但,工作呢?要跟工作地點夠近,要有能夠好好工作的桌子與Wifi,還要可以好好睡。

商務酒店是否稱職因人而異,這次住的第一間就很不錯,坐落購物區Orchard Road的Grand Park Orchard。


我有個習慣,出差多數都會要求酒店安排住得高一點,盡量靜一點,可以睡得好些。這次住十樓,而這酒店每一層有很多很多間房的。門口旁有位置放報紙,而一入門口旁邊的衣櫃,已經放了熨衫板及熨斗。
咁就可以熨番恤衫喇!咁洗手間呢?

應有都有,特別欣賞浴缸旁放了一塊可以用來刷背用的東西,而特別要讚的是剃刀附上的剃鬚膏好好用,仲有抹鞋布。

有blu-ray player,電視,雪櫃之類,床夠闊夠舒服,除左間間房床頭都有呢位疑似Beyonce既相之外樣樣都好,特別要讚就係房內提供一個可以囉出街既手提,有乜功能?無限上網,任打本地與及十幾廿個國家既IDD,咁,萬一有人一齊黎住,電話無得上網,佢出街你都放心好多啦!

至於早餐,正常啦,無驚喜變化亦不夠,不過四樓(即酒店大堂)果間露天酒吧幾正,怕熱室內都有一間,有晚同同事去飲兩杯,食左兩樣野:

軟殼蟹同炸魷魚,好味,不過,好很貴,唔緊要啦又唔駛我俾錢下話。

好,另一間,位於聖濤沙既W Hotel,由於只入住兩晚,而無乜私人時間,間房真係要黎休息。不過咁,真正見識乜野叫多舊魚懶有型好豪華既酒店。
一入門口旁邊就有呢d,注意播,樣樣都有價,唔好整爛。
好多野食樣樣要計錢櫃入面都好多野飲當然都要錢,最多舊魚就係白色呢個冰盒,入面真係有冰粒,話俾你自己整Cocktail,喎。
我一個人住俾兩張床無同我解釋,不過算,太倦。之前有同事入住已經話燈光可以好迷幻,原來呢,有幾個Modes:Flirt,hello,runaway仲有唔知乜,我就好唔鍾意中間呢個床頭櫃:
擺咁多野係度,然後後面既插頭得番一個仲要遮住,訓覺隻手一發過去隨時打爛野,連手提都無位擺。


有淋浴又有浴缸,不過浴缸設計又係好怪,仲要果個花灑條喉極短,都唔知點用。要讚就係提供既Bliss沐浴用品好好用。

另外要提,個電視開左,無聲播,再發現電視底有張卡,話你知個Remote上面要開埋boss個擴音器先有聲,而廁所都可以聽到。叉電全部係電視底下,呢樣就好唔Considerate:依家個個手提都係放床頭,你要放老遠去叉,唔岩囉。

最後一提,早餐,好多野揀,但質素一般,特別係負責煎奄列果幾位,真係煎得好差同好醜樣下。
呀,入住呢,就有呢堆糕點,的確係件件都好好味既。仲有,第二晚番黎,床上放左呢d:
左邊係兩個Luggage tags,右邊就真係好神秘:Tooth Fairy?成支野白雪雪無Label架播!我番到香港先開,呵呵,係一枝朱古力醬。

沒有留言:

發佈留言