Saturday, April 9, 2016

紐約的日與夜:好蠔

有朋友帶住食當然好,不過自己的確有做功課,就例如問過人應該去邊度食好野,再話俾當地朋友知,亦由於呢餐反應好,佢再安排另一款過我。

雖然我依然覺得,講到食蠔,都係澳洲食得最高興,但今次紐約兩次食蠔,都係非常不錯既經驗。首先介紹,逐隻計逐隻開好多款你揀既Chelsea Market。


Chelsea Market實在係一個好地方,因為呢,行入去好多小店,再行入去好多食肆。番黎上佢地網站睇,原來仲有音樂會之類既Events舉辦。咁我就無乜行過其他,淨係一心黎搵蠔食。好快,就搵到The Lobster Place,無得坐,但可以好多選擇:揀蠔,揀海鮮,揀刺身,揀龍蝦等等。你可以買走,你可以係度食,咁係度食叫人開蠔就當然貴少少啦。

生蠔好多國家都有,價錢(連稅)差唔多最貴三蚊左右美金一隻,咁你都知,香港幾錢一隻係咪!



呢度一打半三款蠔再加兩杯手工製啤酒,六十蚊美金左右,呢度有樣野比Sydney Fish Market好,就係Cocktail sauce,Tabasco同檸檬與及餐具都不另收費!除此以外,其他海鮮如蟹呀,帶子呀,蜆呀樣樣有,絕對食到你爽歪歪!
呢款係另外買既大蝦,不錯,但不及生蠔驚喜。咁刺身就無理由係美國食咁funny,另一邊見唔少遊客點波士頓龍蝦食,分磅數與煮法計錢。此處有另一樣野一定不能錯過:Clam Chowder!


自助形式,我呢碗係細既New England Clam Chowder,附送小餅乾一包。一嚐,果種足料與及Creamy,真係唔知講乜,飲完呢細碗湯,又暖又飽,朋友真係無介紹錯!

開工兩天之後既晚上,朋友話,已經預備好野,就係訂左位去呢舍Oyster Happy Hour!此店叫Mermaid Oyster Bar,玩法係,星期一全晚,星期二至五5-7,星期六日4-7,由於太抵玩,唔訂位,就肯定無。點抵玩法?睇下餐牌啦喂。
重點係:East Coast oyster與及Littleneck Clam都係一蚊美金一隻!咁質素當然不及之前既咁好,但呢個價錢食落既質素,係無野講,係好難唔喪隊架!

就係咁震憾!個人推介:蜆鮮味過蠔,真係食唔停口!除此以外,呢度既炸墨魚,一試難忘的好!
炸漿好薄墨魚鮮甜再點點個醬,US$7.5!好好味!
呢隻係US$3一隻既炸蠔,以為笨左,點知一啖入口,得呀!炸蠔下有個特調既辣根汁,好味到不得了呀!下次去紐約,呢處必到!

埋單前仲有驚喜:有甜品送:
細細杯朱古力moouse好濃好味,仲有一樣:就係我都未見過寫住Made in Taiwan既 Fortune teller fish:
我放上手背,個頭彈起,我諗,有乜咁Jealousy呢?

下次介紹下景點,雖然無乜特別,但都想寫寫咁。

No comments:

Post a Comment