Saturday, March 19, 2016

與餃子源的緣

這家店嘛,第一次光顧,應該是我那時仍在司徒拔道上班的日子。沒有記錯他們開店不久我就跟同事去吃了,他們有很多不同款的餃子,有水準,不花巧。老闆是山東大叔,所以,是非常大情大性的——簡單來說,就是有時會粗聲粗氣,那時更試過送外賣到寫字樓發生不愉快爭執事件。

不過,這些偶發事件沒有影響我們對此店的喜愛,因為大部份時間老闆都還好的。自從沒有在那邊上班,光顧這店的機會少了,雖然在水街也有一家,但總是沒有常去,雖然味道是差不多的。早陣子到灣仔睇騷前,跟朋友到這店,三個人,吃了三百幾元,但滿足又快樂。



左上角,涼伴辣牛筋。其實細細碟三十九蚊唔平,不過一放入口,又入味又鬆化,無野講啦!麻辣豬耳,又辣又要食,好好趙又香口;至於前面,涼伴土豆絲,唔好睇佢無乜野,實質調味做得好到位,絕不能錯過!
蒜蓉白肉,豬肉片可以薄少少,但由於個醬汁太好食,食完成口蒜頭咪,真係不得了。



此店餃子點解咁得?首先,真係老土果句,皮薄餡靚!我地當日應該隊左廿隻,當中有至愛既京蔥羊肉餃,茴香牛肉餃與及馬蹄牛肉餃。唔係懶得寫,而係三款各句特色好好味!其他仲有最傳統鮮肉白菜啦,鮮肉韮菜啦,以至素菜餃與及鮮肉露筍鮑貝餃共十二款,另外可以配麵,再加錢可以將湯底轉酸辣湯都得!
此店擔擔麵又係要推介!花生香,辣味夠,湯飲啖就知正!麵是幼身,唔會煮到過軟,所以正宗好味!
山東手撕雞飯,醬汁當然是重點,但雞肉好多本身亦已輕輕調味,好快你就會隊晒個飯!想轉菜飯亦得,加錢囉!

另外非常推介此店山楂茶,自家製,不會過甜,好味!

我無試過其他分店,水街果間都好味,而且遊客慕名而來都不少,此店好似係老闆個仔主理,好有禮貌架!不過重點都係,好食,絕對推介大家幫襯。

No comments:

Post a Comment