三十過後一個人住
2015年6月5日星期五
上環好好食(五)
距離離開上環的日子不多,不過其實新工在中環,會再過來吃飯的機會是有的。無論如何,這段日子到處吃的總要記下的,你知啦,唔寫,果間舖唔知仲係唔係度。
剛巧今日目擊蘇杭街一間新開的韓式Rice Burger大排長龍--因為今明兩日中午攪免費試食,香港人,有著數當然無蝕底。當我與同事食完雲貴川離開時,人龍早已散去,哈哈哈。另外,附近七月中將有Mos Burger開張。
這次想介紹皇后街熟食市場,即帝后華庭附近那個熟食市場。地方不大,有好幾家餐廳,我試了其中兩家,都很值得大家去試試:
先來泰越南菜館,吃過兩次,都吃泰菜,水準很不錯的:
辣肉碎炒飯,好唔錯,幾辣,香口,乾身,米粒分明。
並非午市套餐的蝦餅,彈牙好食,不過唔算平。
洋人同事食既泰式炒河,賣相不錯,佢就好鍾意。
串燒水準中規中矩,不大驚喜。
呢個粉絲沙律最後我食晒--因為同事們話太辣,我就覺得好好味喇!
第二次去,一條友,點左呢個冬陰功湯河。足料到爆,好正宗,唯一要彈就係湯唔夠,好易俾河粉吸晒湯汁。四十幾蚊包飲品,想點先!
另一家係打對角既老北方餃子館。午市佢會寫當日提供幾種餃子,你埋去落單,自己囉餐具,等食。
蕃茄蛋花湯免費,位位都有,清清地,幾唔錯。
有蒸與煎餃,我真係唔記得當日食左邊隻,但淨係記得,皮薄餡靚大大粒,好滿足又好味,另外主因係:
呢個山東老陳醋好鬼正,送餃子真係一流呀!
呢間應該會再去,希望撤離前仲有機會啦!再唔係就自己搵日去食囉。
沒有留言:
發佈留言
較新的文章
較舊的文章
首頁
訂閱:
發佈留言 (Atom)
神不神劇已不重要:《那年盛夏我們綻放如花》
或許因為頭十集我都忙著沒有時間看,然後用了一個周末看畢十集,再跟大家一樣晚晚從App收看足本版。第十四集,看畢那晚,睡不著;大結局,看畢情緒一直處於低壓區,第二天一直聽著幾首劇集有關的歌。 從來喜歡一部電影電視劇或者一首歌都是很個人的口味選擇,技術上的高低當然可以由專業人士點評,...
聽聽內心的聲音:鄧小巧《Inner Voice》
從來第一張唱片都容易帶來驚喜,第二張是更考功夫的。鄧小巧的《The Strength of Weakness》是很有心思有水準的,作為一位我蠻喜歡的本地新生代女聲,樂見他能夠繼續有新作品,而且還是新唱片。 這張《Inner Voice》,主題是溝通,同樣地五首歌都圍繞主題去寫...
淋漓盡致的楊千嬅《火鳥》
由當年那個少女到後來的烈女,我一直聽楊千嬅。對上一張令我聽得拍案叫絕的是金牌告別作 《Unlimited》 ,兜兜轉轉,在人生上踏入另一階段的她,果然為自己推出一張省靚招牌的廣東唱片《火鳥》。 以鳥作主題,歌詞皆從女性角度看愛情看自身,旋律並非有大驚喜,但最最重要的,是她這一次唱...
沒有留言:
發佈留言