Saturday, April 11, 2015

上環好好食(二)

早幾日放假後上班,午餐時走去吃雲貴川驚見變成吉舖,心想不會又關門大吉吧!幸好面書的你們告訴我跟一眾粉絲只是虛驚一場,店舖裝修後又重開了!

好,上次寫過兩間,今次又介紹兩間,希望大家在上環有更多搵食的推介。



又是蘇杭街,由於小弟公司滿是外國人,他們當然對於點心之類特別情有獨鍾。這次是他們帶我去的,專吃點心的聚點坊。
呢個食字既「蒸美小菜」我就未試過,不過午市的確旺場,勁多人排隊。此店呢,點心選擇不算超多,但水準的確唔錯播:
必吃邪惡之選:叉燒墨西哥,好鬼正,叉燒餡又高水準,墨西哥皮薄而帶酥香,一定食!
非常交足料既大粒燒賣,豬肉與蝦及香菇非常原味,無乜味精感覺,很滿足。
腸粉皮薄餡靚,春卷香脆餡又係正,正宗無偷工減料。
同事們的選擇,糯米雞,你地見啦,幾咁富足,我食過亦好唔錯;至於蒸飯亦不錯,目的都係等佢地有野填肚。

此店之點心係值得再去,而且可以推介遊客,價錢合理,水準不俗而且點心正宗。

望過對面,果間&字既洋人粉麵店有伏,我想介紹係旁邊既球哥燉湯:
套餐玩法如圖,主打原味家庭燉湯與家庭小菜,同樣此店好多人幫襯,預左要同人搭檯。
當然你選乜野湯,價錢有分別啦!我當日就呢個胡椒豬肚湯,足料到離譜,湯係清淡,不過好原味,與及好多豬肚食,好鍾意!
同事係椰子煲烏雞,有眼見啦,又係好多料,佢就話好好飲。
小菜若有八個選擇,我呢個係咸魚雞粒豆腐,當然跟飯。好家庭風味,即係好放心,真係無味精,亦唔肥膩!
食過一件同事點既蒸排骨,媽媽的味道啊!

此店絕對係健康午餐有湯有飯落肚之選,都見不少寫字樓人叫外賣,要少少耐性等,我就覺得堂食好喇!

No comments:

Post a Comment