Saturday, February 28, 2015

Fish&Chips與肉骨茶

有時真的放下不寫就差點忘記!二月初三日兩夜新加坡公幹,有一晚去探朋友,見過他那對越來越像他與太太Mini版的龍鳳胎之後,與朋友出外吃晚飯。

他呢,就趁跟我出來吃可以吃一些太太不太容許他吃的東西,於是,他選了很想試但沒有試過的英式Fish & Chips,是英國人來新加坡開的Smith Authentic Fish & Chips。



正宗的英式炸魚我想我還未有機會到英國吃過,至多只在Dickens Bar吃得津津有味。此店價錢不便宜,我們點了些東西,朋友找數,好不好吃?看看吧!

實在呢個Cod真係好食到爆!抵佢呢個價錢!鮮、滑,脆漿薄,好味到呢。不過,薯條,非常失望。

呢一Set叫Pie, Gravy, Peas & Mash:無野講,Gravy配薯蓉好得,青豆蓉真係食唔慣,但個meat pie,好味,酥皮又香口!

奈何兩個大男人食完以上的確唔飽,於是,有第二場:名店呀,你睇下:
又貪曾又馬英九,呢間,黃亞細肉骨茶。
招牌肉骨湯,湯之後仲會添俾你,好飲,暖胃驅寒,仲有喎,點呢個,送每人一碗麵/米粉
呢個湯係上湯,但都好飲。
朋友推介豬手,真係精彩:夠入味,夠林身,皮肉都好食,令我因為朋友唔食內臟而無得食豬腸得到滿足。

連埋個菜,呢餐,約係上半場既三分二價錢咁啦。我覺得呢間真係好唔錯,果然係名店囉。

No comments:

Post a Comment