Thursday, October 9, 2014

法國印象:巴黎自由行(三)

其實自由行得兩日,只不過第一次去法國,又非常好彩遇上政府建築物年度開放日,所以先參觀不同不同的地方。我諗,四集應該完成自由行。

事不宜遲,參觀聖堂之後,天色極速變壞,街道上刮起大風沙,然後落大雨。我非常穩陣有一縮骨遮隨行,但因為天氣轉差,所以星期六餘下,除了晚餐,就是閒逛。







以上呢個叫Place de la Bastilles,咁點解行到黎呢度?因為沿途有香港同學建議我去一間叫Chez Clement食Mussels,點知去到果間無左,就入左呢間,Leon de Bruxelles喇!
侍應懂英文而且非常友善,我選了Tradition,而他們介紹我吃,Mussels Mariniere,是最多人吃的。
點了杯他們推介的啤酒,另外果兜,送既。

就係咁大煲上!白酒洋蔥煮青口,非常嫩滑香口,Handmade薯條是任食的,不過我隊晒成煲飲左大部份湯,薯條無Encore喇,真係好好好鮮甜啊!
甜品就選了兩球Sorbert,椰子與藍莓,好好!星期六,就打道回府去了。當然,搭地鐵。
星期日,自然醒後出發,乘地鐵到Hotel de Ville,目的地,是Notre Dame。

是的,希望參觀大教堂Notre Dame Cathedral,不過,外面的遊客人龍長得要命,旁邊排隊俾錢上聖堂頂的同樣多人,不值得等!


立即步行至另一景點,同事介紹一定要去的Pantheon
這裡呢,埋葬了很多法國名人在建築物地庫,而建築物內呢,藝術品很多,建築很宏偉!




你知道嘛,身處此類歷史悠久而宏偉的建築物,會覺得自己好渺小,而不懂建築美學的我,只有不斷讚嘆!同時呢,外國朋友呢,真係百無禁忌,佢地落到地庫,無論邊個墓,都係喪影。
送上呢個疑似有華人遊客捐落佢胯下影相既藝術品。

無錯呀,天色開始差,而我之前一晚手痕,搵搵巴黎有冇酒吧播英超呢?又俾我搵到播,於是,未去酒吧日光日白睇英超之前,我被一快餐店吸引。呢一間叫Quick,據同事講,呢間與老麥係法國人心目中兩大快餐頭目,唸書時期係會分你係老麥派定係Quick派。

喇真係打對台架!呢個Triple Burger與相片有出入,不過好食,而且,平過老麥咁囉。

最後一集自由行,除左酒吧,就係此次我參觀過最最最靚建築物介紹喇!

No comments:

Post a Comment