難忘的皇仁同學會中菜部

半年前左右，有朋友吹雞話識人可以訂檯去皇仁同學會中菜部食飯，我淨係記得「佛跳牆」三個字，同埋，好難訂，要訂到半年後。我完全無概念呢間餐廳有幾勁，佛跳牆亦唔係好熟悉，總知有好西食，就去囉。

四月初終於去咗，成圍菜定晒菜單，我地被安排坐一間房。唔加一無收開瓶費，有專人招呼，有電視睇，呢Ｄ都唔重要，重要係，呢餐，真係好耐無食過咁精彩傳統中菜，你知啦，幾次移民潮，叻嘅中菜師傅，都去晒唐人街。

當你還可以追夢：《填詞Ｌ》

你細細個有乜夢想？其實少年時期，又有幾多人非常清楚自己的興趣，用心鑽研，然後義無反顧地追夢？當很多我們還在渾渾噩噩，有些朋友已經有著堅定意志，向著夢想前行。

《填詞Ｌ》的主角羅穎詩，可能也在你跟我身邊出現過：只是有人成功了，有人不夠堅定放棄了，有人去到盡沒有得到什麼。一把年紀的我，很愛很愛聽歌也想過當填詞人的我，看著這電影，共鳴處處，有笑有淚。我羨慕羅穎詩的堅持，我羨慕她有家人一直支持，我心痛她的際遇。

咬文嚼字

在由治及興的香港，表達意見都要非常小心；而言論自由從來都是文責自負，同時你寫什麼出什麼Post，作為一個都玩咗Social Media好多年嘅人，應該清楚點寫可以好玩啲，亦可以保謢自己。

我在此不討論「咁咪好可悲囉」這回事，不如用我今日出一個Post，與及之後有些回應，講講乜叫Logical Thinking。

愛情幼稚王

的確佩服韓國電視製作，剛看畢《單身即地獄３》，我就當真係有劇本，但的確拍得好睇之餘，你其實可以從中睇到好多關於愛情攻防相處，而真係三季最精彩。

相信有睇嘅朋友，對於今次最多話題男主角官熙肯定有印像。我並不打算講個節目，但此人在整個節目中與女性互動、對愛情嘅處理與及其個人感情智慧成長，非常有趣。

吃在胡志明

有少少對唔住大家，因為忙，少寫好多，好多想寫，忙到唔記得點落筆。咁若果要快靚正有貨出而又滿足到大家，應該係寫食。

最近公幹到新加坡及越南，其實今次新加坡都有好野介紹，多得同事帶我食未食過嘅。不過，又好似寫越南胡志明市開心少少。雖然，時間緊迫，亦無乜預備搵有乜餐廳好食。下塌Park Hyatt，一間好正性價比極高嘅酒店，而酒店同事非常幫忙，第一晚自己出去搵食，想食河粉，佢地就介紹一間本地人會去嘅，因為我話俾遊客果ｄ，唔駛架喇。

我的2023廿首廣東歌：下半場

咦？其實我最鍾意邊十隻都係我嘅事，但有同學走嚟DM我話快啲寫埋佢因為佢要整個Playlist跟住聽。

講真，呢十首，好難排位置，第一位更難揀。但我老土少少都要強調，廣東歌並唔係只有排行榜果批，並唔止谷到最多播放率果批，自己去Explore一下，你可能會認識同你真係click到嘅歌手音樂單位。

我的2023廿首廣東歌：上半場

其實好早已經揀好廿五首，但一直好忙好忙，又或者，忙完，係希望好好抖抖，所以一直未有動筆。終於今晚乖乖坐埋電腦，開工。

長氣都要講：一切單純個人選擇，而自從有用KKBOX，我都會一直將覺得喜歡嘅歌放入一個Playlist，然後要揀廿首，比較有目標；另一參考，就係自己上年究竟邊啲歌聽得最多。不如講講剛剛入唔到廿大幾首作品：列車上對坐的兩個人—盧冠廷／林家謙、再見寧靜海—陳卓賢、命—藍奕邦、隱型遊樂場—張敬軒、Be Right Back—RubberBand。

有乜嘢未見過

聖誕節，首先希望大家都安好，無論在世界各地，最重要是有內心的平安。說到內心平安，最近看到幾年前很轟動的娛樂新聞女主角受訪，內容提及失去了什麼這幾年怎麼過現在心態怎樣云云。

其實，只要你活得久了，對於很多新聞很多事情都不會再有那種驚訝與出奇的感覺，或者會喜歡用另一種角度去看事情，那種有趣感比起你開口埋口站在道德高地評判來得更多。

大人的期望：《年少日記》

電影開場，我第一件事最深印像的，是電影的英文名字：Time still turns the pages，對應中文名《年少日記》，時間讓日子繼續過下去，只要，你還有時間。

一部電影能不能讓人有共鳴，除了電影本身，也跟看的人有沒有相關經歷。我呢？有一點，但相信也是我那年代的孩童，常常會面對的父母嚴加管教的情況，同樣地因為是我跟弟弟被比較。

公義與善良：白日之下

還有留意新聞的我，當然知道私營院舍發生的轟動新聞；而在很多年前工作需要，曾經出入公營私營的護老院，祖母最後的歲月也住過幾個月，在探望她的日子，也對於這個地方有點認知。我絕不會形容這是一個快樂的地方，但，有得選擇的話，有誰會願意住進去呢？更何況是那些沒有應有自主能力的人呢？

《白日之下（In Broad Daylight）》從幾年私人院舍發生的事件引發，但電影並不單一針對一兩件事：不單單是這些院舍的入住者的生活、不單是服務水平，還有記者傳媒的角色：究竟在還可以在能說的時候利用傳媒第四權，讓社會大眾關注應該知道的事嗎？那怕人們只記得好幾天？